Blogroll

Zi hoih

Sa- Kapno  
Zi hoih damna zatui nang mah na hi.

Dam sakin Dam sakin na Pasal dam sakin,
bang hang adam theilo guhnatna pia na hiam?
Lunggim mi hong zuanin, Lungkham mi hong zuanin,
Na Pasal adingin damna zatui na hi.
Thei in damna zatui nang mah  na hi.

CHO:
      Zi hoih in suangmanpha sangin manpha zaw pek-a,
      apasal phatawi siamin lungkim sak hi,
      aniik singten to-in,
      thanuam takin na sem hi,
      apasal adingin damna zatui pia hi.
      Lungdam takin ankuang um khawm uh hi.

Mel bang hoih sim pian-in,
pau bang ngaih bang pian-a,
puatham kizepna lel pen zihoih ci kei ve,
apasal zah takin thu dong khial ngeilo hi
En sin hi bang zihoih manpha zahtak huai hi.
Zi hoih damna zatui nang mah na hi.

Ama nawh lam it-a, thukhual tak kikem hi.
Nasep ding teng sem-in,
inn leh lo hahsiang hi apasal ong zem-in,
kikhawm lam tonkhawm hi.
Noptuak zel hampha tua bang innkuante pen.
Zi hoih damna zatui nang mah na hi.