Hehnepna Leh Lametna
1. Zan khat Topa Kha Siangtho in kei hong lawng a, Gam nuam khat hong musak a, Luang sialsial, tui niim dildial, sing cin paal silsial, Vasa te'n zong lungdam la sain leng liailiai. Zingdam huih nung hiauhiau, Paak namtui nam viauviau, van misingthote lenna; Ataang khamkhuapi nuam, ka luahna ding mun hi, Tee diamdiam ding, mi siangte Aksi bang taang ding.2 2. Tua laitak van pan la ngiahpi hong ging ziahziah, Topa sapna ka za hi; Khitui luangin ka nunna hong kikhel pah a, Lungdamin Jesu angsung ka delh vingveng ta. 3. Gamsa te'n zong tui luang sialsial a lunggulh bang, Topa, nang kong lunggulh hi. Nang omna peuh ka kha'n lungdamin nuamsa hi, Leitung nate'n hong khih, hong buaisak zo nawn lo. 4. Tua gam munnuam lungsim-in ka ngaihsut kik ciang, Gensiam hi leng, a hoihdan; A nopdan van-gam a lim leh a vang bek hi, Bangzah a nuamdiam, tua mun i tun hun ciangin! |
